Making history
Now tell mi something
Mistah government
Tell mi something
How long yu really feel
Yu coulda keep wi andah heel
Wen di truth done reveal
'Bout how yu grab an' steal
'Bout how yu mek yu crooked deal
Mek yu crooked deal?
Well doun in Soutall
Where Peach did get fall
Di Asians dem faam-up a human wall
Gense di fashist an' dem police sheil
An' dem show dat di Asians gat plenty zeal
It is noh mistery
Wi making history
It is noh mistery
Wi winnin' victory
Now tell mi something
Mistah police spokesman
Tell mi something
How long yu really tink
Wi woulda tek yu batn lick
Yu jackboot kick
Yu dutty bag a tricks
An' yu racist pallyticks
Well doun in Bristol
Dey ad no pistol
But dem chase di Babylon away
Man yu shoulda si yu Babylon
How dem really run away
Yu shoulda si yu Babylon dem dig-up dat day
It is noh mistery
Wi making history
It is noh mistery
Wi winnin' victory
Now tell mi something
Mistah ritewing man
Tell mi something
How long yu really feel
Wi woulda grovel an' squeal
Wen so much murdah canceal
Wen wi woun cyaan heal
Wen wi feel di way wi feel
Well dere was Toxteth
An' dere was Moss Side
An' a lat a addah places
Whey di police ad to hide
Well dare was Brixtan
An' dere was Chapeltoun
An' a lat a addah place
Dat was burned to di ground
It is noh mistery
Wi making history
It is noh mistery
Wi winnin' victory
- Linton Kwesi Johnson lyrics are copyright by their rightful owner(s) and Reggae-Lyrics.com in no way takes copyright or claims the lyrics belong to us.
-
- Reggae-Lyrics.com exists solely for the purpose of archiving all reggae songs, lyrics, artists, albums, riddims, instrumental version and makes no profit from this website.
